 |
||
 |
|
|
Home BishopStude SundayMassMP3 FromthePriests Directory Offices Schools NewsArchives Gallery BalangaRocks |
||
|
|
|
 |
||
|
|
|
|
||||
UYAYI
(Para kay Barbara, ang Negra sa ilalim ng tulay, At pulubi sa Simbahan - meron din dito!)
Sabay sa pagpatak ng ulan sa gabi Maririnig isang malungkot na uyayi Mga tinig ng namumutlang labi Sa duyan ng buhay, ikaw ba ay sawi?
Aawit ang Birhen sa nakatagong kandila Pagmamasdan ang anghel sa pinturang maputla Sabay sa nagsusumamong kampana Aawit ang puso, nagmamakaawa.
Kahi't walang indayog ang hangin sa dulo Kahi't walang ilaw ang lamparang ginto May bulong ang bawa't paghakbang Ng isang inang nanghihina ang pakiramdam.
Wala ang hampas ng alon sa dagat Wala ang tinig ng hanging habagat Natakpan ng mga gusaling nag-uunahang umakyat Sa langit ng pangarap, natakpang lahat.
Sige, awitin mo ang bawa't patak ng iyong luha Sige, iduyan mo ang bawa't lungkot sa iyong mukha May pangarap na taglay sa iyong pagkatha Aawit ang puso ng pag-ibig na dakila - Sana nga! |
||||
|
||||
|
|
|
|
|
|
|
|
 |
||
|
|
|